Shyǵys Qazaqstan oblysynyń Tarbaǵataı aýdanynda nóser jaýyn saldarynan úılerdi sý basty. Jańaaýyl turǵyndarynyń aıtýynsha, 40 mınýt tolassyz jaýǵan jańbyr saldarynan Terisaıryq ózenindegi sý arnasynan asyp ketken, - dep habarlaıdy Egemen.kz.
Oǵan taýdaǵy ózen-bulaqtardyń sýy qosylyp, saldarynan aýyldyń ortalyq kóshesindegi 10-ǵa jýyq úıdi sý basqan. Shaǵyn eldi-mekendegi sý deńgeıi shamamen 20 santımetrdi qurapty. Aýdandyq órt sóndirý qyzmetkerleri sýdy sorǵyzǵansha, turǵyndar týystarynyń úıine jaıǵastyrylǵanyn aıtady. Zardap shekkender joq. Qazir úılerden sý ketken. Komıssııa kelgen shyǵyndy anyqtap jatyr.