Quqyq qorǵaý organdary máıithanalar men jerleý qyzmetiniń qunyn kótergenderdi tekserýge kiristi. Mundaı sharalar barlyq óńirde júrip jatyr, - dep habarlaıdy Egemen.kz Qazaqstan ulttyq arnasyna silteme jasap.
Almatyda jaǵa ustatar jaǵdaı tirkeldi. Jerleý qyzmetine júgingen turǵyndar, onyń aqysyn estip eseńgirep qalǵan. Biraq sharasyzdyqtan 80 myńnan bastap, keıbiri tipti 1 mln teńgege deıin tóleýge májbúr boldy. Mundaı bassyzdyqqa shydamaǵandar polısııa departamentine shaǵymdandy. Al qaıǵydan qarjy tabýǵa qysylmaǵan pysyqaılar qamaýǵa alyndy.
Qalalyq IID resmı ókili Saltanat Ázirbektiń aıtýynsha, Negizi arnaıy kassaǵa 54 myń teńge kólemindegi aqsha tólenedi eken. Bul belgilengen soma.
Ázirge rásimdi atqarýdyń naqtylanǵan baǵasy joq. Ár óńirde ár túrli. Biraq shekti baǵany bekitý jumystary júrgizilip jatyr.
Sońǵy eki aptada máıitti tasymaldaý jáne jerleý aqysy aspandap ketti. Sondyqtan Qasym-Jomart Toqaev ákimderge bir kún ishinde baǵany kótergenderdi jónge keltirýdi tapsyrǵan edi.
Qazir ishki ister mınıstrligi men korrýpsııaǵa qarsy qyzmet birlesip baǵany betimen jibergenderdiń sońyna sham alyp tústi. Belgilengen somadan bir tıyn artyq surasa sabasyna túsirý úshin quzyrly organdardy habardar etý kerek.