Pandemııa bastalǵaly elimizde 18-ge tolmaǵan 2000-ǵa jýyq bala qaýipti vırýs juqtyrǵan. Biraq balalardyń kóbinde aýrý belgileri baıqalmaǵan. Qazir aýrýhanada 100-den astam bala em alyp jatyr, - dep habarlaıdy Egemen.kz Qazaqstan ulttyq arnasyna silteme jasap.
Qazir balalardyń jaǵdaıy birqalypty, aýrý jeńil ótýde, deıdi dárigerler. Degenmen, koronavırýs juqtyrǵan balaqaılar da tıisti sanıtarlyq normalardy saqtaǵany jón. О́ıtkeni, olar da vırýs tasymaldaýshy bolýy múmkin.
62% qazaqstandyq balalarda koronovırýs juqpaly aýrýy sımptomsyz ótken. 26 prosentinde jeńil ótken. 8% aýrý - ortasha, 4% - aýyr túrde baıqalǵan. Aýyr túrde ótý sebebi, balalardaǵy burynnan kele jatqan sozylmaly aýrýlar.
Al kúzde-qysta balalar arasynda ózge de vırýstyq ınfeksııalardyń órshıtini belgili. Kóp jaǵdaıda aýrý asqynyp, pnevmonııaǵa alyp keledi. Sondyqtan qaýipti kezeńde olardy oqshaýlap, juqpaly dertten qorǵaý úshin Úkimet qashyqtan oqytý týraly sheshim qabyldaǵan bolatyn.