Elimizde qorǵanysh buıymdary men dári-dármek satyp alý kólemi artqan. Qostanaı oblysynda qorǵanysh kostıýmderi úshin aımaqqa Úkimet 880 mln, jergilikti bıýdjet 292 mln teńge jumsaǵan. Osyndaı aýqymdy sharalar elimizdiń barlyq óńirlerinde júzege asyp jatyr, - dep habarlaıdy Egemen.kz Qazaqstan ulttyq arnasyna silteme jasap.
Qostanaı qalasyna quny 110 mln teńge bolatyn 3 tonnadan astam dári-dármek jetkizildi. Olardyń basym bóligi qyzýdy basatyn, vırýsqa qarsy preparattar. Qajetti qarjyny Qostanaı oblysynyń ákimdigi bólgen.
Al Túrkistanǵa 5 mln ǵa jýyq dári-dármek ákelindi. Negizinen koronavırýs pen pnevmonııaǵa qarsy qoldanylatyn preparattar О́zbekstannan jetkizildi. Ony satyp alýǵa 500 mln teńge oblys bıýdjetinen berilgen.
Soltústik Qazaqstanǵa da Reseıdiń Túmen oblysynan gýmanıtarlyq kómek jetti. Kórshi eldiń kásipkerleri birigip, 20 myńnan astam maska, 5 myń medısınalyq qolǵap pen 500 lıtr antıseptık jibergen. Bul kórshimizdiń qysyltaıań shaqta birinshi ret kómek qolyn sozýy emes. Osyǵan deıin tabıǵı apattar kezinde de qoldaý kórsetken.
Jambyl oblysynda naýqasqa shaldyqqan muqtaj jandarǵa óńirdegi isker azamattar kómek kórsetip jatyr. Olar 350 mıllıon teńgeden astam qarajat jınaǵan. Bul qarjyǵa dári-dármek satyp alynyp taratylady. Búgin gýmanıtarlyq kómek Shý aýdynyndaǵy ortalyq emhanaǵa da jetti.
Mátin: Shymkent qalasynda da medısınalyq dári dármektiń bir aılyq qory jasaqtaldy. Úndistan, Reseı, Ýkraına jáne О́zbekstan elderinen baǵasy 16 mıllıon 700 myń teńge bolatyn 3 mlnǵa jýyq quty dárilik preparat jetkizildi. Qalada qazir 10 iri farmkompanııa jáne 560 dárihana jumys istep tur. Olarǵa shetelden dári-dármek jetkizý úshin aranaıy ruqsat berilgen.