Tutynýshylar quqyqtaryn qorǵaý komıtetiniń "Bek Air" AQ áýekompanııasyna ekinshi aryzy boıynsha birinshi sot otyrysy ótti. Bul týraly Egemen.kz Saýda jáne ıntegrasııa mınıstrligine silteme jasap habarlaıdy.
"Komıtet aryzyndaǵy talaptar "Bek Air" júzege asyratyn reısterge bılet satyp alǵan jolaýshylarǵa aqshalaı qarajatty óteý týraly bolyp otyr.
Jalpy tutynýshylar komıteti 301 bılet satyp alǵan 151 azamattyń múddesin qorǵaıdy. Talap-aryz somasy 10,5 mln teńgeni qurap otyr. Komıtetke ótinishter áli de túsip jatqandyqtan, bul soma ulǵaıýy múmkin", - dep jazylǵan habarlamada.
Aıta keteıik, buǵan deıin sot azamattarǵa qarajatty óteý týraly Tutynýshylar quqyǵyn qorǵaý komıtetiniń aryzyn qanaǵattandyrǵan edi. Keıin "Bek Air" AQ sot sheshimine apellıasııalyq shaǵym berdi.