Qasym-Jomart Toqaev Shavkat Mırzııoevti týǵan kúnimen quttyqtap, jaýapty memlekettik qyzmetine tabys, al О́zbekstan halqyna baq-bereke tiledi.
Memleket basshysy О́zbekstan Prezıdentiniń ǵasyrlar boıy qalyptasqan dostyqqa, baýyrlastyqqa jáne tatý kórshilikke negizdelgen eki jaqty strategııalyq seriktestikti damytýǵa qosqan úlesin joǵary baǵalady.
Qasym-Jomart Toqaev eki eldiń qıyn-qystaý kezeńde bir-birin qoldaǵanyn shynaıy baýyrlastyq qatynastardyń úlgisi retinde atap ótip, gýmanıtarlyq kómek kórsetkeni úshin rızashylyq bildirdi.
Áńgimelesý sońynda taraptar aımaqtaǵy epıdemıologııalyq ahýal jaıynda aqparat almasyp, COVID-19 indetimen jáne onyń saldarymen kúrestegi is-qımyldardy jalǵastyra berýge nıetti ekenin bildirdi.