Búgin QR Premer-Mınıstriniń orynbasary Eraly Toǵjanovtyń Mańǵystaý óńirine jumys sapary aıasynda ýaqytsha provızorlyq stasıonarǵa aýystyrylǵan Mańǵystaý oblystyq aýrýhanasynyń jumysymen tanysty. Aımaq basshysy Serikbaı Trumov qaýipti indetpen kúreste jasalyp jatqan sharalar men naýqastardy emdeý tásilderi týraly aıtty.
Sonymen qatar, úkimettik delegasııa halyqqa kórsetiletin tegin medısınalyq kómektiń 24 túri boıynsha qyzmet etip jatqan qalalyq emhananyń jumysyn tekserdi. Eraly Toǵjanov Nur-Sultan qalasyndaǵy emhanalardyń jumysyn uıymdastyrý tájirıbesindegi úsh baǵytqa erekshe toqtaldy. Olar mobıldi toppen úıde sımptomsyz jumys isteý, pasıentterdi onlaın-qabyldaý jáne emhanada naýqastardy eki aımaqqa bólý arqyly tikeleı emdeý. Jalpy, Mańǵystaý oblysynda “COVID-19” indetimen kúresý úshin 2000-ǵa jýyq medısına qyzmetkerleri jumyldyrylyp, 126 mobıldi top uıymdastyryldy.
Premer-Mınıstrdiń orynbasary Eraly Toǵjanov barlyq medısına qyzmetkerlerine alǵysyn bildirip, úkimet tarapynan jan-jaqty qoldaý kórsetýge daıyn ekendigin atap ótti.