Mınıstrlik mamandarymen birge jýrnalıster men blogerler ruqsat etilmegen qoqystardy anyqtap, sýretke túsirip, beınetúsirilim jasady, - dep habarlaıdy Egemen.kz.
Buǵan deıin Ekologııa mınıstrligi eldegi stıhııalyq qoqys problemalary jáne ruqsat etilmegen jerlerge qoqys tastaıtyn el azamattary men kompanııalardyń sanadan tys áreketi týraly habarlady. Jaqynda el prezıdenti Qasym-Jomart Toqaev ta halyqtyń ekologııalyq mádenıeti men mektepterde tıisti pán engizý qajettiligi týraly aıtqan bolatyn.
Taǵy bir úlken problema - Shýchınsk, Býrabaı jáne basqa da eldimekenderdiń, iri demalys oryndarynyń janynda ruqsat etilgen polıgondardyń bolmaýy. QR EGTRM Ekologııalyq retteý jáne baqylaý komıtetiniń tóraǵasy Zulfyhar Joldasovtyń aıtýynsha, qoldanystaǵy polıgondar kóbinese zańsyz, sanıtarlyq normalarǵa sáıkes kelmeıdi, jol boıynda jıi ornalasady, órtenip jatady. Sonymen qatar, halyqtan qoqys shyǵarý úshin jınalǵan aqshanyń qaıda ketetini belgisiz, dedi Komıtet basshysy. 2015 jyly Ekologııa mınıstrligi úlken aıyppul sala otyryp, Býrabaı mańyndaǵy ruqsat etilmegen polıgonnyń qyzmetin toqtatty.
"Jergilikti ákimdik basqa aýyldyq okrýgte jańa polıgon salýǵa ýáde berdi. Biraq bul máseleniń sheshimi kesheýildeýde", - dedi Z. Joldasov.
Sondaı-aq, onyń aıtýynsha, keıbir eldimekender men demalys bazalarynda tazartý qondyrǵylary joq bolǵandyqtan, ekologııalyq jaǵdaı nasharlaýda. Sonyń biri – Qazaqstandaǵy eń kórikti jerdiń biri – Býrabaı.
"Býrabaı, Zerendi jáne Shýche aýyldarynda tazartý qondyrǵysy salynǵanmen, paıdalanýǵa berilmegen. Jalpy, bul stıhııalyq qoqystardyń paıda bolýyna ákelip soǵady. Halyq qaldyqtardy dalaǵa tastaýǵa májbúr", - dedi Komıtet basshysy.
"Ekologııa mınıstrligi bul máseleni jergilikti ákimdikterdiń aldyna qoıyp, qabyldanǵan standarttarǵa sáıkes keletin jańa polıgondar men tazartý nysandaryn salý týraly oń sheshim izdeýde.
Sonymen birge, mınıstrlik birneshe ret dabyl qaǵyp, azamattardy demalys oryndarynda qoqys tastamaýǵa, ony stıhııalyq qoqys ornyna tastamaı, ózderimen birge alyp ketýge shaqyrǵan edi.
Ekologııa mınıstrliginiń QR IIM mamandarymen, qorǵalatyn tabıǵı aýmaq ınspektorlarymen, qoǵam belsendilerimen jáne jýrnalıstermen birlesken demalys oryndaryna reıdteri búkil Qazaqstan boıynsha jazdyń sońyna deıin demalys kúnderi, týrısterdiń jappaı kelý maýsymynda jalǵasady. Sonymen birge, eger ekologııalyq zańnamanyń buzylýy anyqtalsa, zańbuzýshylarǵa aıyppul salýǵa deıin qatań sharalar qoldanylady, dep habarlady mınıstrlik.