Kámeletke tolmaǵandardy zorlyq kórsetken qylmyskerler týraly málimet kartasy infoPublic.pravStat.kz saıtyna júktelgen, - dep habarlaıdy Egemen.kz.
Olardyń jeke basyna, qylmys jasaǵan merzimi men aımaǵyna qatysty aqparat Bas prokýratýranyń quqyqtyq statıstıka jáne esepke alý komıtetinde tirkeledi. Quqyq qorǵaýshylar saqtyq úshin ata-analarǵa málimet kartasyn qarap shyǵýǵa keńes beredi.
Statıstıkaǵa súıensek, ótken jyly elimiz boıynsha 1 jarym myńdaı pedofıl men 2800-den asa zorlyqshy esepte turǵan. Al qazir respýblıkalyq túzeý mekemelerinde jasóspirimderge seksýaldyq sıpatta zorlyq kórsetken 1600-deı adam jazasyn ótep jatyr.
Eske salaıyq, osydan úsh kún buryn da bes jasar qyzǵa ozbyrlyq kórsetken kúdikti qamaýǵa alyndy. Oqıǵa Qaraǵandy oblysynyń Sátbaev qalasynda bolǵan. Tergeý júrip jatyr. Prezıdent jaǵdaıdy óz baqylaýyna aldy.