Birneshe jyl buryn amerıkalyqtar asyrap alǵan qazaq balasy Pavlodardan týystaryn tapty, - dep habarlaıdy Egemen.kz.
Taıler (Talǵat) Bloetter Qazaqstannan bala kezinde ketken. Ony asyrap alǵan otbasy Las-Vegastyń turǵyndary. Qazaq balasyna óziniń bıologııalyq týystaryn tabý úshin kóp ýaqyt qajet bolmaǵan kórinedi. Burynǵy tegin izdeý arqyly Facebook jelisinen baýyrlaryn taýyp alǵan.
2020 jyly karantın bastalǵanda óz otbasyn izdep tabýdy maqsat etip qoıǵan.
"Týǵan anamnyń tegine uqsas barlyq adamdarǵa habarlama jiberdim. "Siz meni tanymaısyz. Biraq, myna áıeldi bilesiz be?"degen syńaıda hat jazdym. Maǵan eshkim jaýap bermedi. Tek bir adam qol ushyn sozyp, meni jelidegi qazaqstandyq-amerıkalyq qaýymdastyq paraqshasyna qosty, osy paraqshaǵa óz oqıǵańdy jaz dedi. 2020 jyldyń 24 shildesinde túski 1-de óz oqıǵamdy baıandap, post shyǵarǵan edim. Sanaýly saǵatta-aq telefonyma habarlama tolyp qaldy. Kóptegen qazaqtar maǵan kómekteskisi keldi. Sol kúni keshki 5-te bir adam Qazaqstanda memlekettik qyzmette isteıtin dostary bar ekenin, solar arqyly izdep kóretinin jazdy. Al keshki 8-de "Seniń otbasyń tabyldy" dep habarlasty. Men, árıne, sengen joqpyn. Tipti ne oılarymdy bilmedim", - deıdi keıipker.
Osylaısha Taıler Qazaqstandaǵy ápkesimen jáne baýyrlarymen beınebaılanys arqyly sóılesken. "Olar meni 16 jyl boıy izdepti. Balalar úıi men týraly esh aqparat bermegen. Olardyń esh habary bolmaǵan. 16 jyl ótken soń bıologııalyq otbasymmen baılanysyp otyrmyn. Bul jazbany da maqtanǵannan emes, qatty tolqyǵannan jazyp otyrmyn", - deıdi Taıler (Talǵat) Blotter.