Partııanyń soltústikqazaqstandyq fılıaly eriktilermen birge Petropavldaǵy provızorlyq stasıonarǵa adamnyń boıyndaǵy ımmýnıtetin kóteretin dárýmenderi kóp, qýatty taǵamdar jetkizýdi jalǵastyrýda. Birneshe jáshikke salynǵan jemister men kókónister, bal, qymyz jáne t.b. dert meńdegen jandarǵa qýat bereri sózsiz. Sonymen birge anseptık jáne gıgıenalyq quraldar da ákelindi, - dep habarlaıdy Egemen.kz
Partııanyń "Jas Otan" jastar qanatynyń bastamasymen bolyp jatqan "Dárigerlerge myń alǵys" aksııasy buryn Taıynsha aýdanyndaǵy Kellerovka selosyndaǵy provızorlyq stasıonardyń qyzmetkerlerine de kórsetilgenin buryn jazǵan bolatynbyz. Myna kómek sol aksııanyń jalǵasy eken.
Demeýshilik kómekti jasotandyqtar petropavldyq kásipkerler arasynan tapqan. "Sonyń ishinde "Radýga» JShS, «Iýjnyı", "Darııa", "SOT" bazarlary bar. Olardyń kómekterine, dárigerlerdi qoldaǵandaryna alǵysymyz sheksiz", deıdi "Jas Otan" keńesshisi Ákimjan Tólebaı.
Nurotandyqtar kómek kórsetken provızorlyq ortalyq Manash Qozybaev atyndaǵy Soltústik Qazaqstan ýnıversıtetiniń jataqhanasynyń negizinde uıymdastyrylǵan. Qazir onda 200 em alýshylar orny bar. Syrqat jandarǵa 40 medısınalyq qyzmetkerler kómek kórsetýde. Olar nurotandyqtardyń qamqorlyqtaryna ózderiniń rızashylyqtaryn bildirdi.
QYZYLJAR