Almaty oblysynda medısına qyzmetkeri aqshalaı syıaqy úshin koronavırýstyq ınfeksııaǵa teris nátıje beretin anyqtamany satqan. Bul týraly Qarjy monıtorıngi komıteti habarlaıdy, dep jazady Egemen.kz
Jalǵan anyqtamalardy berý faktisin Komıtettiń Almaty oblysy boıynsha Ekonomıkalyq tergeý departamentiniń qyzmetkerleri anyqtady.
"Koronavırýsqa teris nátıjemen PTR anyqtamasyn bergeni úshin syıaqy túrinde 25 myń teńge mólsherinde aqshalaı qarajat alǵan 1984 jylǵy medısına qyzmetkeri ustaldy", delingen habarlamada.
Jaýap alý barysynda Almaty oblysynyń turǵyny osy jyldyń maýsym aıynan bastap qazirgi ýaqytqa deıin 12-ge jýyq jalǵan anyqtama bergenin moıyndady. Atalǵan fakti boıynsha sotqa deıingi tergeý bastaldy.