Búgin búkil álemde ıadrolyq qarýǵa qarsy kún, dep habarlaıdy Egemen.kz
Ekinshi dúnıejúzilik soǵys kezinde AQSh-ta atom bombasynyń qurylýy adamzat ómirindegi jańa kezeńniń bastalýyn belgiledi. Osydan keıin eshkim jańa qarýdyń joıqyn kúshinen jáne onyń qorqynyshty saldarlarynan saqtandyryla almady.
Sonymen 1945 jyldyń 6 tamyzdynda amerıkalyq avıasııa Japonııanyń Hırosıma qalasyn atom bombasymen bombalaǵan edi. Qaza tapqandar týraly naqty derekter áli joq. Alaıda sarapshylardyń baǵalaýy boıynsha 300 myńǵa jýyq adam bombalaýdyń qurbany boldy. Al taǵy 200 myńǵa jýyq adam radıoaktıvti sáýlelenýge ushyrady. Atom bombasynyń qurbandary jyl saıyn radıasııalyq aýrýdyń saldarynan óse berdi.
Japonııa turǵyny Koko Kondo: "Jarylys bolǵan kezde men kishkentaı qyz edim. Osy kúnge deıin ony umytý múmkin emes. Sol kezde men úıde bolǵanym esimde. Qorqynyshtan men kózimdi jumyp aldym. Kózimdi ashqan kezde barlyq jer qara tútin boldy. Bomba júzdegen adamnyń ómirin qıdy. Bomdadan keıin kóbisi odan aýyra bastady. Men jáne meniń halqymnyń bastan keshkenderin, basqanyń basyna tilemes edim", deıdi Hırasıma oqıǵasynyń kýágeri.