Aqmola oblysynyń Esil aýdandyq sotynda azamatsha K-ǵa qatysty ákimshilik is qaraldy. Bul týraly Aqmola oblystyq Sotynyń baspasóz qyzmetine silteme jasaı otyryp Egemen.kz habarlaıdy.
Sotta anyqtalǵandaı, azamatsha K. tıisti organnyń ruqsatyn almaı, tirkeýsiz alkogol ónimderin satqany ákimshilik quqyq buzýshylyq týraly hattamamen jáne kýágerlerdiń aıǵaqtarynan anyqtaldy. Azamatsha K. óz kinásin moıyndady.
Sot qaýlysymen azamatsha K. Ákimshilik quqyq buzýshylyq týraly Kodeksiniń 463-babynyń 1-bóligi (Tıisti tirkeýsiz, ruqsatsyz nemese habarlama jibermeı kásipkerlik nemese ózge de qyzmetpen aınalysý, sondaı-aq áreketterdi (operasııalardy)júzege asyrý) boıynsha ákimshilik quqyq buzýshylyq jasaǵany úshin kináli dep tanylyp, oǵan aıyppul túrindegi jaza taǵaıyndaldy.