Nur-Sultanda erekshe bilim berý qajettilikteri bar balalardy qamtý boıynsha júıeli jumystar júrgizilýde, - dep habarlaıdy Egemen.kz ákimdiktiń resmı saıtyna silteme jasap.
Erekshe bilim berý qajettilikteri bar balalardy tárbıeleý jáne oqytýǵa jaǵdaı jasalǵan mektepke deıingi uıymdardyń úlesi 32,9% quraıdy, jospar boıynsha – 30%.
Qazirgi ýaqytta eki arnaıy balabaqsha bar – № 23 jáne 64. 26 mektepke deıingi uıymdarda túrli kemistigi bar (estý, sóıleý, psıhıkalyq, aqyl-oıy nashar damyǵan balalar) 570 oqýshyǵa arnalǵan 45 túzetý toptary jumys isteıdi.
Bıyl alǵash ret on balabaqshada aýtızm spektri buzylǵan 100 balaǵa arnalǵan arnaıy toptar quryldy.
«45 mektepke deıingi uıymda 300-den astam balany qamtıtyn ınklıýzıvti bilim berý toptary jumys isteıdi. 13 balabaqshada jáne alty shaǵyn ortalyqta barlyǵy 275 balany qamtıtyn psıhologııalyq-pedagogıkalyq ońaltý kabınetteri bar. On balabaqshada 72 oqýshyǵa arnalǵan logopedııalyq ortalyqtar ashyldy», – dep habarlady bilim basqarmasy.
Osy jyldyń shilde aıynan bastap 62 orynǵa arnalǵan memlekettik bilim berý tapsyrysyna birinshi ret bes jeke balabaqsha ornalastyryldy. Sondaı-aq «Shýaqty álem» jáne «Co-Make» qoǵamdyq qorylarnyń aıasynda 155 oryndyq psıhologııalyq-pedagogıkalyq túzetý kabınetterine memlekettik bilim berý tapsyrysy ornalastyryldy.
Erekshe bilim berý qajettilikteri bar balalardy qamtý úshin, kórý qabileti tómen balalarǵa arnalǵan jańa balabaqsha ústimizdegi jyldyń qyrkúıeginde paıdalanýǵa beriledi dep josparlanýda. Sonymen qatar 2020/21 oqý jylynda № 22, 23, 25, 64 mektepke deıingi uıymdardyń bazasynda resýrstyq ortalyqtar qurylatyn bolady.
Sondaı-aq 28 mektepke deıingi uıymdarda erekshe bilim berý qajettilikteri bar balalarǵa arnalǵan arnaıy toptar ashý josparlanýda.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.