Búgin QR Premer-Mınıstriniń orynbasary Eraly Toǵjanov Densaýlyq saqtaý mınıstrligi men Nur-Sultan qalasy ákimdiginiń ókilderimen qatań karantındik shekteý sharalaryn jeńildetýdiń birinshi kezeńi aıasynda óz qyzmetin qaıta bastaǵan birqatar nysannyń sanıtarlyq-epıdemıologııalyq jáne termometrııa talaptarynyń saqtalý barysyn tekserdi, - dep habarlaıdy Egemen.kz.
Tekserý Mega Silk Way saýda-oıyn-saýyq ortalyǵynda, «Etalon» saýda-qurylys bazarynda jáne Nur-Sultan qalasynyń ortalyq bazarynda júrgizildi. Saýda nysandaryn aralaý barysynda kásipkerler saýda-oıyn-saýyq ortalyqtary men saýda úıleriniń jumys rejımin saǵat 22:00-ge deıin, al bazarlardyń jumys rejımin saǵat 20:00-ge deıin ulǵaıtý múmkindigin qarastyrý jóninde bastama kóterdi.
E. Toǵjanov Densaýlyq saqtaý mınıstrligine jaqyn arada ótetin COVID-19 taralýyna jol bermeý jónindegi VAK-ta saýda nysandarynyń jumys ýaqytyn ulǵaıtý boıynsha kásipkerlerdiń barlyq usynystaryn shyǵarýdy tapsyrdy. Elordalyq nysandardy aralaý qorytyndysy boıynsha E. Toǵjanov kásipkerlerdi saýda nysandaryndaǵy sanıtarlyq-epıdemıologııalyq talaptardy qatań saqtaýǵa shaqyrdy. Sondaı-aq azamattardy ózderiniń jáne jaqyndarynyń densaýlyǵyna muqııat bolýǵa shaqyrdy.
О́z kezeginde, kásipkerler QR Úkimetine bızneske qoldaý kórsetkeni jáne qamqorlyǵy úshin alǵys aıtty.