Qyzylordada turǵyndarǵa medısına qyzmetkerleriniń biliktiligin arttyrý kýrstaryn aıaqtaǵandyǵy týraly jalǵan sertıfıkat satqan alaıaq ustaldy. Oblys polıseıleriniń jedel-izdestýri sharalary arqasynda qolǵa túsken ol Shıeli aýdanynyń 36 jastaǵy turǵyny bolyp shyqty, - dep habarlaıdy Egemen.kz.
Qazir onyń osyndaı jeleýmen 6 turǵynǵa jalǵan sertıfıkat bergeni anyqtalyp otyr. Alaıaqtyń bul áreketinen jábirlenýshilerge 200 myń shamasynda materıaldyq zalal keltirilgen.
Kúdiktige qatysty «eshqaıda ketpeý jáne tıisti minez-qulyq týraly qolhat» túrindegi bultartpaý sharasy qoldanyldy.
Atalǵan derekter boıynsha Qazaqstan Respýblıkasy Qylmystyq kodeksiniń 190-babynyń 3-bóliginiń 4-tarmaǵyna sáıkes sotqa deıingi tergep–tekserý amaldary júrgizilýde.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.