Almaty qalasynyń bas sanıtar dárigeri Jandarbek Bekshın koronavırýsqa baılanysty jaǵdaı kúzde kúrdelene túsýi múmkin ekenin aıtty, - dep habarlaıdy Egemen.kz Tengrinews.kz saıtyna silteme jasap.
"Biz ózekti máseleni talqyǵa salǵaly otyrmyz. Sebebi, qaýipti koronavırýs ınfeksııasyna tumaý qosylady. Sondyqtan qarasha, qazan aılary óte qıyn bolady. Almaty qalasynda sońǵy aptada 940 JRVI-diń deregi tirkeldi. Bul ótken jylmen salystyrǵanda 26 paıyzǵa joǵary", - deıdi ol óńirlik kommýnıkasııalar qyzmetinde ótken baspasóz máslıhatynda.
Aıta keteıik, Almatyda 14 144 adam COVID-19 juqtyrdy. 12 848 naýqas aıyqty, 252 adam qaıtys boldy.Qazaqstanda koronavırýs juqtyrǵandar sany 105 243-ke jetti. 94 713 naýqas jazyldy, 1 523 adam aýrýdan kóz jumdy.