QR Bilim jáne ǵylym mınıstrligi birneshe joǵary oqý ornynyń bilim berý lısenzııasynyń kúshin toqtatty. Bul sheshimge birqatar joǵary oqý ornyn qaıta tekserý barysynda Bilim týraly zańnama normalarynyń buzylýyn anyqtaý negiz boldy, dep habarlaıdy Egemen.kz.
"Almaty" ýnıversıteti, "Qaınar" Akademııasy, Almaty Ekonomıka jáne statıstıka akademııasy, Qazaq medısınalyq úzdiksiz bilim berý ýnıversıteti, A.Qýatbekov atyndaǵy Halyqtar dostyǵy ýnıversıteti jáne "Silkway" halyqaralyq ýnıversıtetin qaıta tekserý qorytyndysy boıynsha bilim berý salasyndaǵy zańnama normalarynyń buzylýy qaıta anyqtaldy.
Osyǵan baılanysty QR BǴM Bilim jáne ǵylym salasyndaǵy sapany qamtamasyz etý komıteti "Almaty" Ýnıversıteti, Almaty Ekonomıka jáne statıstıka akademııasy, Qazaq medısınalyq úzdiksiz bilim berý ýnıversıteti, A.Qýatbekov atyndaǵy Halyqtar dostyǵy ýnıversıteti anyqtalǵan buzýshylyqtar joıylǵanǵa deıin lısenzııasynyń kúshin toqtatty.
"Qaınar" Akademııasy men "Silkway" Halyqaralyq ýnıversıtetin tekserý qorytyndylary tekserý nátıjelerine shaǵymdanýyna baılanysty sotta qaralýda. Sot prosesteri aıaqtalǵannan keıin tıisti sharalar qabyldanatyn bolady.
Sonymen qatar M.H. Dýlatı atyndaǵy Taraz óńirlik ýnıversıtetinde "quqyq" daıarlaý baǵyty boıynsha (bakalavrıat) lısenzııaǵa qosymshanyń qoldanylýy toqtatyldy.