Bıyl Qyzylordada mal urlyǵynyń tirkelýi byltyrǵy jylmen salystyrǵanda 37,4 paıyzǵa azaıǵan. О́tken jyly osyndaı oqıǵa 230 ret ret tirkelse, bıyl 144 bolyp otyr, dep habarlaıdy Egemen.kz.
Polıseıler maldary joǵalǵan turǵyndardyń kesh habar berýi qylmystyń ashylýyn keshtete túsetinin aıtyp otyr. Der kezinde habarlansa, jedel sharalar qabyldanyp, urylar da aıaǵyn tarta túser edi.
Jýyrda Jalaǵash aýdanynyń turǵyny Aqsý aýylynyń syrtynda jaıylymnan 2 qoıynyń urlanǵandyǵy jóninde polısııaǵa shaǵym túsirdi. Aýyl turǵynyna keltirilgen shyǵyn kólemi 80 myńdy qurady.
Kóp uzatpaı ury qolǵa tústi. Polıseıler tekserý barysynda kúdikti azamattyń jaıylymdaǵy qoılardy "Lada" markaly avtokóligimen urlaǵandyǵyn anyqtady.
Qazirgi ýaqytta Qazaqstan Respýblıkasy Qylmystyq kodeksiniń 188-1-babynyń 1-bóligimen sotqa deıingi tergep-tekserý amaldary júrgizilýde.
Shıeli aýdanynyń kezekshi bólimine Tájibaev aýylynyń turǵynynan 20 tamyzǵa qaraǵan túni "Býrhan" sharýa qojalyǵynyń mal aýlasynan 4 qoı urlanǵany týraly aryz kelip tústi.
Osydan keıin polısııa dereý izdeý jumystaryn bastady. Jergilikti turǵyndardan surastyrý jumystaryn júrgizip, barlyq dálelderdi jınaqtap, kúdiktilerdi anyqtady. Olar sol aýyldyń eki turǵyny bolyp shyqty.
Olar óz kinásin tolyq moıyndady. Qazirgi tańda sotqa deıingi tergep-tekserý amaldary júrgizilýde. Urlanǵan qoı ıesine qaıtaryldy.