Bul týraly Memleket basshysy Qasym-Jomart Toqaev Parlament palatalarynyń birlesken otyrysynda Qazaqstan halqyna jyl saıynǵy dástúrli Joldaýynda málim etti, dep habarlaıdy Egemen.kz.
"Eger azamattardyń ál-aýqatyn shynymen jaqsartqymyz kelse, olardyń ózderin osy iske belsendi tartqan jón. Mysaly, qoǵamdyq pikirge jasalǵan saýalnamalar aýyl ákimderiniń saılaý arqyly qyzmetke kelýine suranystyń artqanyn kórsetip otyr. Bul qadamǵa jan-jaqty oılanyp, mundaı júıe qalaı jasalatynyn bilýimiz kerek. Biraq kelesi jyly birqatar aýyldyń okrýg ákimderiniń merizimi aıaqtalady. Kelesi jyldan bastap, aýyl ákimderiniń tikeleı saılaýyn ótýkizýge bolady dep sanaımyn. Jergilikti bılik saılanbaly bolýymen qatar, basqarý deńgeıleri arasyndaǵy quzyretti bólýin aıqyndap alýymyz kerek. Aımaqtarǵa bólingen qarajat kóp jaǵdaıda turǵyndardyń shynaıy qajetttiligine jumsala bermeıdi. Bir-eki kósheni jyl saıyn qaıta-qaıta jóndeı berý men ımıdjge jumsalatyn shyǵyndar azamattardyń narazylyǵyn týdyrady. Bul oryndy. Sondyqtan ınfraqurylymdyqqa qarajat bólý úshin qoǵamdyq saraptama jasalýy kerek", dedi Prezıdent.