«Semei» telearnasyna – 55 jyl

1965 jyly 1 qyrkúıekte Semeı telestýdııasynyń alǵash­qy resmı baǵ­dar­lamasy kórer­menge jol tartty. Bul Almaty, Qaraǵandy jáne О́ske­mennen keıingi respýblıka boıynsha tórtinshi telestýdııa edi.

«Semei» telearnasy jyl saıynǵy respýblıkalyq festı­valderge, televı­zııalyq baı­qaýlarǵa qatysý, salalyq redak­sııalarǵa arnalǵan habarlar daıyndaý arqyly Qazaqstandaǵy eń myqty stýdııalardyń qataryna qosyldy. Semeı telestýdııasy alǵashqylardyń biri bolyp beınemagnıtofondar jıyntyǵyn ıelendi, ótken ǵasyrdyń 80-shi jyldarynda túrli-tústi habar taratýǵa kóshti, stýdııa ishindegi televızııalyq birles­tikterdiń jumysyna sharýashylyq esep tájirıbesin engizdi.

1990 jyldary S-VHS beı­neón­di­risine kóshý júzege asyryldy. Bılik jáne bıznespen seriktestik 90-shy jyldardyń basynda «Betacam» beınetúsirý jáne mon­tajdaý jab­dyq­tarynyń jıyn­tyǵymen jabdyq­tal­ǵan jalǵyz aımaq­tyq stýdııa bolýǵa múm­kindik berdi, bul naryq jaǵ­daıyna sáıkes jumys isteýge yqpal jasady.

Telearna táýlik saıyn 14 sa­ǵattyq qazaq jáne orys tilde­rinde habar taratýdy qam­tamasyz etedi.

Qazirgi zaman talabyna saı ár baǵdar­lamanyń stıli men dızaınyn jaqsartý boıynsha turaqty jumys júrgizilýde. Telearnanyń efırinde kórermender 19 sıkldik taqyryptyq baǵdarlamalardy: «Jańalyqtar», «Sálem, Semeı!», «Qala tynysy», «Dialog», «Arnaıy repor­taj» jáne osy syndy basqa da baǵdar­lama­lardy qazaq jáne orys tilderinde ártúrli janrlarda tamashalaı alady.

Jyl saıyn telearna kórer­menge jańa televızııalyq jobalar usynady. Bıyl «Altyn arqaý», «Tarıhı Semeı», «О́nege» jobalar jaryqqa shyqpaq. Aýqymdy tehnıkalyq jańǵyrtýdan keıin telebaǵdarlamalar men jańalyq­tardy jazý FullHD formatynda júr­giziledi.

Qazirgi tańda «Semei» te­lear­nasy­nyń stýdııalyq pa­vıl­ondary toly­ǵymen jańartyldy. Tehnıkalyq jabdyqtaý jaq­sarýda: 4 K formatynda jazýǵa múmkindik beretin jańa kameralar, kvadrokopter, «Osmo» sta­bı­lızatory satyp alyndy.

Tasymaldanatyn teledı­dar­lyq spýt­nıktik stansııa (TTSS) men kadrlyq áleýet jer­gilikti jáne respýblıkalyq mańyzy bar telekonferensııalardy sátti ótkizýge múmkindik berýde.

2019 jylǵy baıqaýdyń qorytyndysy boıynsha telearna aımaqtyq mýltıplekske endi, osylaısha óz tarıhynda alǵash ret sıfrlyq formatta efırlik habar taratýdy bastady. Qazirgi ýaqytta telearna jer­gilikti «Alma TV», «Semsat TV» kabeldik ope­ra­torlarynyń paketterinde, Semeı qalasynyń aýmaǵynda 50 shaqyrym radıýsta sandyq jáne analogtyq efırlik habar taratady. Ol «ID TV» je­lisinde de Qazaqstan boıynsha abonentterge qoljetimdi jáne semeytv.kz saıtynda onlaın kórsetiledi.

Telearna qyzmetkerleri Qa­zaq­stan Respýblıkasy Prezı­dentiniń, «Qazaqstan» RTRK» AQ Qurmet gramotalarymen, Shyǵys Qazaqstan oblysy ákiminiń, Semeı qalasy ákiminiń dıplomdarymen jáne Qurmet gramotalarymen, sondaı-aq Shyǵys Qazaqstan oblysynyń qoǵamdyq uıymdarynyń kóptegen alǵys hattarymen marapattaldy.

Telearna turaqty jetil­dirýde, habar taratý sapasyn jáne arnanyń medıa-naryqtaǵy báse­­kege qabilettiligin jaqsar­týdy jalǵastyrýda.