Úkimet úıinde ótken baspasóz máslıhatynda Premer-Mınıstrdiń orynbasary Eraly Toǵjanov áleýmettik saıasattyń jańa paradıgmasy qalyptasatynyn aıtty, - dep habarlaıdy Egemen.kz.
"Búginde eldiń áleýmettik qaýipsizdigi 17 zańmen jáne ondaǵan zań aktilerimen rettelip otyr. Alda qaǵazbastylyqty azaıtyp, halyqtyń qoljetimdiligin jeńildetý maqsaty tur. Osy oraıda, Úkimet eldiń biryńǵaı áleýmettik kodeksin ázirleýdi josparlap otyr. Bul - barlyq normatıvtik-quqyqtyq bazany biriktirýge jáne júıeleýge múmkindik beredi. Tórtinshiden, memlekettik qyzmetterdiń qoljetimdiligin arttyrý nemese olardy elektrondyq formatqa kóshirý jumysy jalǵasady. Memleket basshysy aıtqandaı, adamdar emes, "derekter júgirýge tıis" degen qaǵıda iske asyrylady", - dedi Eraly Toǵjanov.