Premer-Mınıstrdiń orynbasary Eraly Toǵjanov Ortalyq kommýnıkasııalar qyzmetinde ótken baspasóz máslıhatynda oqýshylardyń densaýlyǵy basty nazarda ekenin atap ótti, dep habarlaıdy Egemen.kz.
"Sóz joq, balalardyń bilimi óte mańyzdy. Degenmen, olardyń densaýlyǵy basty nazarda. Bul baǵyt Qazaqstan Prezıdenti Qasym-Jomart Toaqaevtyń tikeleı nazarynda. Jalpy, Qazaqstandaǵy epıdemıologııalyq jaǵdaı turaqty. Búginde táýliktik ósim 0,1 paıyzdy qurap otyr. Búgingi tańda COVID-19 juqtyrýdyń 86 jaǵdaıy tirkeldi. 5 shildeden bastap naýqastardy jatatyn orynmen qamtamasyz etý qajettiligi 6 esege, KVI máseleleri boıynsha jedel medısınalyq kómekke shaqyrýlar sany 5,5 esege azaıdy. Naýqastardyń 99 paıyzy saýyǵyp, aman-esen otbasyna oraldy. Bul COVID-19-ben kúresýdiń durys joly tańdalǵanyn jáne onyń naqty nátıjesin kórsetedi", - dedi Eraly Toǵjanov.