Qyzylorda oblysy Polısııa departamenti tarapynan alaıaqtyq qylmystardyń aldyn alý jáne boldyrmaý baǵytynda atqarylyp jatqan júıeli jumystarǵa qaramastan, oblys kóleminde ózgeniń menshigin aldaý arqyly ıelenip, azamattardyń quqyna qol suǵý derekteri áli de oryn alýda, dep habarlaıdy Egemen.kz.
8 qyrkúıek kúni Qyzylorda qalalyq Polısııa basqarmasynyń kezekshi bólimine oblys ortalyǵynyń 48 jastaǵy turǵynynan aryz tústi. Belgisiz bireý "10 sotyq jer alyp beremin" degen jeleýmen 750 myń teńge aqshasyn alǵan. Ony az kórgen alaıaq sol kúni taǵy bir turǵynǵa dúkenniń qujattaryn durystap berýge ýáde etip, aqysyna 220 myń teńgeni qaltaǵa basqan.
Polısııa qyzmetkerleri eki derek boıynsha izdestirý jumystaryn júrgizip, Qyzylorda qalasynyń 46 jastaǵy turǵyny ustaldy.
Qazirgi tańda atalǵan derekter boıynsha Qazaqstan Respýblıkasy Qylmystyq Kodeksiniń 190-babynyń 2-bóligimen (alaıaqtyq) sotqa deıingi tergep-tekserý amaldary júrgizilýde.
Qyzylorda oblysy