Qazaqstan Elshisi B.Imanbaev Malaızııanyń "Petronas" kompanııalar tobynyń jańadan taǵaıyndalǵan prezıdenti jáne basqarýshy dırektory Muhammed Taýfıkpen kezdesti, dep habarlaıdy Egemen.kz SIM baspasóz qyzmetine silteme jasap.
Kezdesý barysynda taraptar ekijaqty yntymaqtastyqtyń keń aýqymdy máseleleri, "QazMunaıGaz" UK AQ jáne "Petronas" seriktestiginiń perspektıvalyq baǵyttaryn talqylady. Sondaı-aq Qazaqstan Respýblıkasynyń ınvestısııalyq klımaty týraly aqparat berildi. Sonymen qatar S.О́tebaev atyndaǵy Atyraý munaı jáne gaz ýnıversıteti men "Petronas" tehnologııalyq ýnıversıteti arasyndaǵy yntymaqtastyqty damytý joldary qarastyryldy.
Pandemııaǵa qaramastan, taraptar munaı men gaz salasyndaǵy ekijaqty yntymaqtastyqty damytýdyń úlken áleýetin atap ótip, bul qazaqstandyq jáne malaızııalyq kompanııalar arasyndaǵy qatynastardyń jandana túsýine qosymsha serpin berip, tehnologııalyq yntymaqtastyq múmkindikterin keńeıtetinine nazar aýdardy.