Túrkistan oblysy Ordabasy aýdanynda aýyl sharýashylyǵy baǵytyndaǵy ıgerilmegen 2300,2 gektar jer memlekettiń jer qoryna qaıtaryldy. Bul sharýalar 2 jyl jyl ishinde júrgizilgen túgendeý jumystarynyń nátıjesinde iske asyrylyp otyr, dep habarlaıdy Egemen.kz.
Aýdan ákimi Nurbol Turashbekov tıisti sala mamandaryna túgendeý jumystaryn áli de shırata túsý kerektigin tapsyrǵan-dy. Soǵan sáıkes, Tórtkúl aýyl okrýginen memlekettiń muqtajy úshin Batys Evropa-Batys Qytaı halyqaralyq kólik dálizine alynǵan jer ýchaskelerine «KazAvtoJol» AQ-nyń Túrkistan oblysy boıynsha fılıaly tarapynan memlekettik sáıkestendirý aktileri alynyp rásimdeldi. Al, avtomagıstraldiń qorǵaý aımaǵyna enbegen jer ýchaskelerin aýdanǵa qaıtarý jumystary júrgizilgen.
Búginde jalpy kólemi 131,4 gektar bolatyn 11 jer ýchaskesiniń ıgerilmegeni anyqtalǵan. Jer paıdalanýshylaryna tıisti nusqamalar taratylyp, jer ýchaskelerin 2 jyl qatarynan ıgermegen jaǵdaıda, sot tártibimen aýdandyq jer qoryna qaıtarylatyny eskertildi.