Elimizdiń avtomobıl joldary salasynda jyl saıynǵy Maqsaty-keshendi baǵdarlamany júzege asyrý jalǵasýda, dep habarlaıdy Egemen.kz IIDM baspasóz qyzmetine silteme jasap.
Mamandar búginge deıin 2020 jylǵa arnalǵan jospar aıasyndaǵy jumystardyń 90% astamyn oryndady. Jumystar respýblıkalyq mańyzy bar joldarda tıisti belgilerdi ornatýǵa, jol qozǵalysy qaýipsizdiginiń deńgeıin joǵarylatýǵa baǵyttalǵan.
Atap aıtqanda, "Qazaqavtojol" kompanııasy joldardyń 500 myńnan astam sharshy metrinde shuńqyrlardy jamasa, joldardyń 105 myńnan astam sharshy metrin tegistedi. Munymen qosa, el joldarynda 116 myńnan astam jol belgisi, 440 panno, 280 jaryqdıodty jol belgisi, kópirlerde qorshaýlardyń 1900-den astam qýma metri ornatylyp, aýystyryldy.
Budan bólek, 176 avtopavılon men demalys alańdary jóndelip, joldyń 3400-den astam sharshy metrinde shýyl jolsyzyǵy jaılastyryldy. Mamandar 3000-nan astam shaqyrym jolda silteýishterdi, 29 myń sıgnaldyq baǵanshany ornatty. Sonymen qatar jolshylar el joldarynda qorshaýlardyń 46 myńnan astam qýma metrin ornatty, joldyń qozǵalys bóliginiń 25 myńnan astam shaqyrymyn tańbalady.
Joldardyń kedir-budyrlyǵyn joıý, avtopavılondar men demalys alańdaryn jóndeý sııaqty jumystardyń jospary elimizdiń barlyq óńirlerinde oryndalǵan.