Jambylda polısııa áýletteriniń 300 jyldyq tarıhy qalyptasqan, dep jazady Egemen.kz
El tarıhynda bir áýlettiń ǵumyry tutasymen bir salaǵa arnalǵan jaǵdaılar bar. Máselen, el ishinen otbasymen dárigerler, muǵalimder, temirjolshylar jáne taǵy da basqa mamandyq ıelerin bilemiz. Tipti ata jolyn jalǵastyryp, urpaqtar sabaqtastyǵyn saqtap otyrǵan áýletter de jeterlik. Máselen, Jambyl oblysynyń Polısııa departamentinde polısııa áýletteriniń jalpy eńbek ótili 300 jyldan asady eken. Úsh ǵasyr boıy jekelegen áýletter eldiń tynyshtyǵyna, qoǵamnyń qaýipsizdigine úles qosyp keledi.
О́ńirdegi polıseıler áýleti ishki ister organdary qyzmetkerleriniń jas býynynyń kásibı qyzmetine, adamgershilik jáne patrıottyq tárbıeleý isine yqpal etýde. Departamenttiń málimetinshe, oblysta ár kezeńde ishki ister salasynda qyzmet etken jáne qyzmet etetin úsh býyn ókilderi bar. Máselen, Demesinovter men Zaınýllınder otbasynda tórt adam ishki ister salasynyń qyzmetkerleri bolyp eńbek etetin bolsa, al Dúısebaevtar, Namazbaevtar, Turmanovtar men Orazbekovterdiń otbasynda úsh adamnan bar. Sonymen qatar Sarysý aýdanynda turatyn Satmahanovtar áýletinde de jeti adam, ıaǵnı atasynan nemerelerine deıin osy salada qyzmet etip júr. Olar ár kezeńde starshınadan bastap, polısııa podpolkovnıgi dárejesine deıin túrli laýazymdarda qyzmet atqarǵan. Jáne qazirgi tańda olardyń keıingi býyny da polısııa qatarynda sap túzep jumys isteıdi.
Búginde Jambyl oblysynda 70-ten astam polıseıler otbasy jumys isteıdi eken. Olardyń eki urpaǵy – ákesi, uly nemese qyzy ishki ister organdarynda qazir de qyzmet atqarýda. Jambyl oblystyq Polısııa departamentiniń bastyǵy, polısııa general-maıory Janat Súleımenov tártip saqshylarynyń áýletteriniń árbir býyn ókilinen shaǵyn saýalnama júrgizgen. О́ńirdiń bas polıseıi áńgime barysynda batyl jáne adal adamdar týraly estelikter aıtylǵanyn, ásirese maqsatyna berik polısııa qyzmetkeri sııaqty mamandyq týraly mańyzdy suhbat bolǵanyn jetkizdi.