Kádege jaratý alymy tehnıka parkin jańartady

«Qazaqstan Respýblıkasy Energe­tıka mınıstrliginiń keıbir buıryq­taryna ózgerister men tolyqtyrýlar engizý týraly» Qazaqstan Respýblıkasy Ekologııa, geologııa jáne tabıǵı resýrs­tar mınıstriniń m.a. 2019 jylǵy 5 jel­toqsandaǵy №95 buıryǵymen astyq jınaıtyn traktorlarǵa, kombaındar­ǵa jáne súrlem jınaıtyn kombaındar­ǵa óndirýshi (ımporttaýshy) tóleıtin avtokólik quraldary men ózdiginen júretin aýyl sharýashylyq tehnıkasyna qatysty tólemaqy kórsetilgen tehnıkany jınaýǵa jáne kádege jaratýǵa jiberiledi. Osyǵan baılanysty kádege jaratý alymy dep atalady.

Traktorlar men kombaındarǵa kádege jaratý alymyn engizýge baı­lanys­ty aýyl sharýashylyq mashınasyn jasaý salasynyń ınvestısııalyq tartymdylyǵy edáýir artty. Máselen, byltyr ótpeli kezeńniń shekteýli merzimin eskere otyryp, ónerkásiptik qurastyrý týraly kelisimder jasalyp, jetekshi álemdik brendtermen joǵary ónimdi tehnıkany óndirý ıgerildi. Sondaı-aq kádege jaratý alymyn engizý búgingi mynadaı min­detterdi sheshedi: jańa otandyq tehnıkany satyp alýǵa jeńildik sertıfıkattaryn jáne aqshalaı ótemaqy berý jolymen aýyl sharýashylyq tehnıkasyn kádege jaratýǵa tapsyrý boıynsha halyqty yntalandyrýdy qamtamasyz etý; aýyl sharýashylyq tehnıkasyn kádege jaratýdyń keshen­di júıesin qurý; Qazaqstan Respýb­lıka­synda jańa zaýyttar ashý jáne jumys istep turǵan óndiristik alań­dardy keńeıtý; óndiriletin teh­nı­ka­ny oqshaýlandyrýdy arttyrý, ózin­dik qunyn tómendetýdi, jıyn­tyq­taýyshtardyń jańa óndiristerin, qosym­sha jumys oryndaryn qurýdy jáne aýyl sharýashylyq tehnıkasyn óner­kásiptik qurastyrý týraly keli­simder sheńberinde mindette­melerdiń oryndalýyn qamtamasyz etýdi bildiredi.

Osylaısha, atalǵan sharany engizý ekologııalyq sıpattaǵy birqatar prob­lemalardy sheshýge, fermerlerge tehnıka parkin jańartýǵa kómektesýge múmkindik beredi jáne ınvestısııalar tartý men qosymsha jumys oryndaryn qurýdy qosa alǵanda, jalpy Qazaqstan ekonomıkasynyń damýyn yntalandyrýǵa yqpal etedi.

Sonymen qatar Qazaqstan aýma­ǵynda óz óndiristerin jergilik­ten­dirý, CLAAS, PÖTTINGER, LOVOL, BUHLER, Rostselmash, Peterbýrg traktor zaýyty, MTZ, Gomselmash jáne t.b. sııaqty álemdik brendter jańa jumys oryndaryn qurýǵa múmkindik beredi (búginde óndiriste shamamen 1300 turaqty jumys orny quryldy jáne ımporttaýshy kompanııalar 350 orynǵa deıin jumys ornyn qurdy).

Sondaı-aq kádege jaratý alymyn engizý sheńberinde paıdalanýdan shyqqan tehnıkany tapsyrý baǵdar­lamasyn bastaý josparlanýda. Onda kádege jaratýǵa tapsyrylǵan eski tehnıkanyń ornyna jańa tehnıkany satyp alý kezinde jeńildik sertıfıkaty beriledi. Jeńildik sertıfıkatynyń nomınaly zańnamada belgilengen tártippen belgilenip, 1,5 mln teńgege deıingi somany quraýy múmkin, eki sertıfıkatty paıdalanǵan kezde jeńildik 3 mln teńgege deıingi kólemi quraýy múmkin. Búginde kombaındy metall synyqtaryna tapsyrý kezinde ótemaqy 300-500 myń teńgeni quraıdy.