Álemde ár eldiń ǵylymı áleýeti halyqaralyq bazalardaǵy jýrnaldarymen, al ǵalymdardyń eńbegi halyqaralyq bazalardaǵy jýrnaldarǵa jarııalanǵan maqalalarymen ólshenedi. Jaqynda 12 qazaqstandyq ǵylymı jýrnal Web of Science málimetter bazasyna jáne taǵy 5 jýrnal Scopus-qa engizildi. 2011-2019 jyldar aralyǵyndaǵy «Web of Science» málimetter bazasynyń birinshi kvartıli boıynsha, Qazaqstan eń bedeldi jýrnaldardaǵy maqalalar men sholýlar sany jóninen 122-orynnan 87-orynǵa kóterildi.
Scopus – 5 myńnan asa ǵylymı jýrnaldar quramyna kiretin alpaýyt baza. Bul bazaǵa qandaı da bir ǵylymı jýrnaldy engizýdiń ózi úlken eńbekti qajet etedi, sebebi talaptary joǵary. Sol jýrnaldarǵa maqalalary jarııalanǵan ǵalymdardyń jumysy Scopus bazasynda saqtalyp, ózge zertteýshilerdiń qoldanýyna tegin nemese aqyly túrde qoljetimdi bolady.
Al Web of Science – álemde, ásirese ǵalymdar arasynda «Ǵylym jelisi» degen atpen tanymal, ǵylymı eńbekter men patentterdi izdep tabýǵa arnalǵan aýqymdy platforma. Bilim berý baǵytyndaǵy Thomson Reuters medıakompanııasynyń bastamasymen qurylǵan «Ǵylym jelisinde» qoldanýshylardyń qaraǵan, oqyǵan jáne málimet alǵan ǵylymı jumysyna siltemeler berilip otyrady. Al ǵylymdaǵy silteme – ǵalym eńbeginiń elenýi jáne ǵylymı jańalyǵynyń ómirsheńdigi.
Bilim jáne ǵylym mınıstrligi janyndaǵy Ǵylym komıtetiniń taratqan aqparatyna súıensek, sońǵy 5 jyl ishinde qazaqstandyq ǵalymdardyń árbir besinshi jarııalanymy álemdegi eń úzdik jýrnaldardyń 25%-yna endi. Búginde Web of Science málimetter bazasyndaǵy jarııalanymdardyń jalpy sany 28 973-ti quraıdy, Scopus málimetter bazasynda bul kórsetkish 33 116 eńbekke jetip otyr.
2019 jyly ózderiniń pándik salasy boı̆ynsha álemdegi ǵylymı jumystaryna eń kóp silteme jasalǵan avtorlardyń 1%-yna Erjan О́teýlıev, Maksım Zdoroves, Artem Kozlovskıı̆, Jaqsybaı̆ Jumadilov, Samat Qojahmetov, Andreı̆ Halımon, Tólegen Seı̆ilhanov syndy qazaqstandyqtar qosyldy. Jarııalanym belsendiligi ǵalym jumysynyń ónimdiligin, onyń ǵylymǵa qosqan úlesin kórsetedi. Máselen, 2019 jyldyń sońynda Web of Science derekqorynda 3 704 jarııalanym ındeksteldi, bul 2011 jylmen salystyrǵanda 8,7 ese kóp. «Scopus» málimetter bazasynda bul kórsetkish 8,5 esege ósti.
Web of Science pen Scopus-qa otandyq jýrnaldardyń engizilýi Ǵylym komıtetiniń halyqaralyq derekter bazalarymen yntymaqtastyǵy nátıjesinde iske asyryldy.