Búgin Beskólde 300 orynǵa shaqtalǵan jańa mektep ashyldy. Bul týraly Soltústik Qazaqstan oblysynyń ákimi Qumar Aqsaqalov óziniń Facebook paraqshasynda jazdy, dep habarlaıdy Egemen.kz
"Aýyldyń ońtústik-shyǵys bóliginde 3,5 myń adam turady. Mektep bolmaǵasyn balalar aýdan ortalyǵyndaǵy 3 bilim ordasynda oqyp júrdi. Olar respýblıkalyq joldyń basqa jaǵynda ornalasqan. Bul jerde balalardyń qaýipsizdigi máselesi turdy. Bastaýysh synyptardyń balalary avtobýspen tasymaldandy. Eki jyl buryn eseptik kezdesýde ata-analar osy saýaldy kótergen edi. Búgin mine másele sheshimin tapty. Jańa ári zamanaýı mektep balalarǵa aıaq attam jerde ornalasqan", deıdi oblys ákimi.