Búgin Muǵalimder kúni qarsańynda Bilim jáne ǵylym mınıstri Ashat Aımaǵambetovtiń qatysýymen saltanatty is-shara ótedi. Bul týraly BǴM baspasóz qyzmeti habarlady, - dep jazady Egemen.kz
"Merekelik jıyn barysynda "Úzdik pedagog-2020" baıqaýynyń jeńimpazdary anyqtalady. Úzdik pedagogter 2 778 000 teńge (1000 AEK) kóleminde syıaqymen jáne tósbelgilermen marapattalady. Marapattardy tapsyrý rásimi ár óńirde jeke QR Bilim jáne ǵylym mınıstrligi men Ortalyq kommýnıkasııalar qyzmetiniń Facebook áleýmettik jelisindegi paraqshalarynda, sondaı-aq "Habar 24" respýblıkalyq telearnasy arqyly Nur-Sultan qalasy ýaqytymen saǵat 11:00-de kórsetiledi", delingen habarlamada.