Uly Otan soǵysyna qatysýshylardyń qurmetine arnalǵan alleıanyń ashylýy «Generaldar keńesi» respýblıkalyq qoǵamdyq birlestiginiń, «UOS ardagerleri, tyl eńbekkerleri jáne soǵys balalary keńesi» qoǵamdyq qorynyń jáne Qazaqstan Respýblıkasynyń Tuńǵysh Prezıdenti – Elbasy qorynyń qatysýymen Almatydaǵy QR Tuńǵysh Prezıdenti saıabaǵynda ótti.
Is-shara «Bizdiń esimizde - Biz maqtan tutamyz!» patrıotttyq aksııasy aıasynda ótti. Onyń maqsaty Uly Otan soǵysyna qatysqan qazaqstandyqtardyń uly erlikterin máńgi este saqtaý, soǵysqa attanǵan árbir sarbazdyń erligi men batyrlyǵyna qurmet kórsetý.
Aksııaǵa Uly Otan soǵysynyń ardagerleri, Qarýly Kúshterdiń generaldary men ardagerleri, Almaty qalasynyń qorǵanys isteri jónindegi departamentiniń ókilderi, QR QM Áskerı-tehnıkalyq mektebiniń Almaty fılıalynyń jáne «Jas sarbaz» áskerı-patrıottyq klýbtarynyń tárbıelenýshileri qatysty.
Is-shara barysynda jańa alleıa aýmaǵynda áskerı-tehnıkalyq mekteptiń tárbıelenýshileri 100 túp aǵash otyrǵyzyp, onyń negizin qalady.