Aqtóbelik polıseıler esirtki tutynyp, avtokólik basqarý quqyǵynsyz mashına aıdaǵan júrgizýshini ustady, dep habarlaıdy Egemen.kz Polisia.kz saıtyna silteme jasap.
Aqtóbede patrýldik polısııa qyzmetkerleri 4 qazan kúni qyzmet atqarý kezinde Qonaev pen Smaǵulov kósheleriniń qıylysynda "Opel-Astra" avtokóligin toqtatqan, kólik rólindegi 21 jastaǵy júrgizýshi buryn kólik quralyn basqarý quqyǵynan aıyrylǵan bolyp shyqty
Budan basqa onyń esirtki paıdalaný nátıjesinde masań kúıde bolǵany anyqtaldy.
Syrtqy tekserý kezinde júrgizýshiniń shalbarynyń qaltasynan marıhýanaǵa uqsas erekshe ıisi bar, jasyl tústi ósimdik tektes zat salynǵan qaǵaz paket tárkilendi.
"Bul faktiler boıynsha kólik quralyn basqarý quqyǵyn beretin qujatsyz, esirtkilik masań kúıde kólik quralyn basqarǵany úshin QR QK-niń 346-babynyń 1-bóligi (Kólik quraldaryn basqarý quqyǵynan aıyrylǵan jáne alkogoldik, esirtkilik jáne (nemese) ýytqumarlyq masań kúıdegi adamnyń kólik quralyn basqarýy, sol sııaqty kólik quralyn basqarýdy osyndaı adamǵa berý nemese kólik quralyn osyndaı adamnyń basqarýyna jol berý) jáne QR QK-niń 296-babynyń 2-bóligi (Esirtki, psıhotroptyq zattardy, sol tektesterdi ótkizý maqsatynsyz zańsyz daıyndaý, qaıta óńdeý, ıemdený, saqtaý, tasymaldaý) boıynsha tergeý bastaldy", delingen habarlamada.
Júrgizýshi ýaqytsha ustaý ızolıatoryna qamaldy.