Maqtaaral aýdandyq Polısııa bólimshesiniń krımınaldyq polısııa qyzmetkerleri habar-osharsyz ketken jas áıeldiń ólimin ashty, dep habarlaıdy Egemen.kz
Túrkistan oblysynyń polıseıleri iz-tússiz joǵalyp ketken áıeldi óltirýge qatysy bar degen kúdikpen eki er adamdy ustady. Kúdikti retinde tólem termınaldarynan aqsha urlaýǵa qatysy bar eki jergilikti turǵyn quryqtaldy.
Tergeý barysynda jastar paıdakúnemdik maqsatta aýyr qylmys jasaǵanyn moıyndady. Aǵymdaǵy jyldyń qyrkúıek aıynyń basynda Maqtaaral APB kezekshi bólimine jergilikti turǵyn sińlisiniń jumystan keıin úıine oralmaı, habar-osharsyz joǵalyp ketkeni týraly aryzdanǵan. Tekseris kezinde polıseıler joǵalǵan áıeldiń er balasy bar ekenin, dúkende satýshy bolyp jumys istegenin jáne joǵalar aldynda otbasynda eshqandaı kıkiljiń bolmaǵanyn anyqtady.
Polısııa qyzmetkerleri dereý joǵalǵan áıeldi izdestirý jumystaryn bastady. Alaıda qarqyndy jumystar oń nátıje bermegen. Arada úsh apta ótkende ǵana polısııa jergilikti kanaldardyń birinde belgisiz áıeldiń qańqaǵa aınalǵan máıiti men kıimderin tapty. Alǵashqyda aldyn ala tekserý kezinde jabaıy ańdardan zardap shekken máıitti jáne ólimniń sebebin anyqtaý múmkin bolmady. Jábirlenýshiniń jeke basyn anyqtaý úshin krımınalıster men jedel ýákilder kúni-túni jumys istedi. Polıseıler máıittiń buzylmaǵan bóligin taýyp, aıǵaq retinde saraptamaǵa joldady.
Saraptama qorytyndysyna jáne týystarynyń kıim-keshegin tanýyna baılanysty jedel ýákilder máıittiń habar-osharsyz joǵalǵan Maqtaaral aýdanynyń turǵyny ekenin anyqtady. Qylmystyq is QR QK-niń 99-baby (Kisi óltirý) bolyp qaıta dárejelendi.
Aýyr qylmysty ashý úshin qurylǵan jedel-tergeý tobynyń mamandary kóp uzatpaı, osy qylmysqa qatysy bar degen kúdikpen tólem termınaldarynan aqsha urlaýǵa qatysy bar eki jergilikti turǵyndy ustady. Olar jas áıelge shabýyl jasap, tunshyqtyryp, sodan keıin oǵan pyshaq jaraqatyn salǵan. Sodan soń kúdiktiler 300 myń teńgeni jymqyryp, qylmys ornynan qashyp ketken. Olar urlanǵan aqshanyń bir bóligin óz qajettilikterine jumsap úlgergen. Qazirgi tańda atalǵan fakt boıynsha sotqa deıingi tergeý júrgizilýde. Zattaı aıǵaqtar retinde jábirlenýshiniń zattary, urlanǵan múliktiń bir bóligi jáne kúdiktilerdiń avtokóligi alyndy. Sot sheshimimen kúdiktiler eki aı merzimge qamaýǵa alyndy.