Elimizde koronavırýstan qaıtys bolǵan medısına qyzmetkerlerine 10 mln teńge ótemaqy beriledi. Bul týraly Densaýlyq saqtaý mınıstrliginiń resmı ókili Baǵdat Qojahmetov Facebook paraqshasynda jazdy, dep habarlaıdy Egemen.kz.
"Sońǵy sheshim qabyldandy, koronavırýstan kóz jumǵan medısına qyzmetkerleriniń barlyǵynyń otbasylaryna ne jaqyndaryna 10 mln teńge kóleminde ótemaqy tólenedi. Osy aptanyń sońyna deıin aqsha ótinim berýshiniń bank esepshotyna túsedi. Qazaqstanda koronavırýs indeti bastalǵaly beri 182 aq halatty abzal jan qaıtys boldy", - dep jazdy Baǵdat Qojahmetov.
Eske sala keteıik, koronavırýs indetiniń ekinshi kezeńine daıyndyq máseleleri boıynsha keńeste Prezıdent Qasym-Jomart Toqaev koronavırýstan qaıtys bolǵan medqyzmetkerdiń otbasyna tekserý júrgizilmesten tólemaqy berilýi tıistigin aıtqan bolatyn.