Erulan Jamaýbaev memleket qarjysyn ıgere almaı otyrǵan óńirler týraly aıtty. Qarjy mınıstriniń málimetinshe, aımaqtardaǵy jergilikti bıýdjet shyǵystary 5,6 trıllıon teńge bolǵan. Igerilmegen qarjynyń somasy - 30 mıllıard teńge, dep habarlaıdy Egemen.kz
"Osy jyly óńirlerge 2,3 trıllıon teńge somasynda nysanaly transfertter kózdelgen. Aldyn ala málimetter boıynsha olarǵa 1 qazanǵa 1,5 trıllıon teńge bólindi. Onyń ishinde 99,5 paıyzy ıgerilgen. Atqarylmaǵany - 8 mıllıard teńge. Onyń ishinde 2 mıllıard teńge únemdeldi, 6 mıllıard teńge ıgerilmedi", dedi mınıstr Úkimet otyrysynda.
Sondaı-aq, Erulan Jamaýbaev memleket qarjysyn ıgere almaı otyrǵan óńirlerge toqtaldy.
"Qarjyny eń kóp ıgermeý myna óńirlerde qalyptasty: Aqtóbe oblysy - 0,9 mıllıard teńge, Batys Qazaqstan oblysy - 0,6 mıllıard teńge, Qaraǵandy oblysy – 0,5 mıllıard teńge, Nur-Sultan qalasy - 0,5 mıllıard teńge", dedi ol.