Nur-Sultan qalalyq ishki saıasat basqarmasynyń qoldaýymen "Rýhanı jaǵyrý" jobalyq keńsesi jáne "Astana Daryny" daryndylyqty damytý jáne psıhologııalyq qoldaý ortalyǵy "Rýhanı jaǵyrý: sananyń ashyqtyǵy" atty oqytý semınaryn ótkizdi, dep habarlaıdy Egemen.kz.
Bir apta boıy kolledj psıhologtaryna arnalǵan oqytý semınary ótkizildi. Shara qazirgi kezde jasóspirimder arasynda ózekti taqyryptardyń biri sanalatyn sýısıdtiń aldyn-alý jónindegi ǵylymı-ádistemelik tájirıbege negizdeldi. Sondaı-aq trenıng barysynda psıhologtardyń biliktiligin arttyrý maqsatynda semınarlar, dóńgelek ústelder men praktıkalyq trenıngter ótkizýge ádistemelik usynystar zerdelendi.
Elordalyq mamandarǵa arnalǵan trenıngti halyqaralyq deńgeıdegi tájirıbeli kásibı psıhologtar ótkizdi.
"Qazirgi ýaqytta pandemııaǵa baılanysty barlyq otbasy músheleri úıde bir ýaqytta, ıaǵnı bir keńistikte bolady. Sondyqtan jasóspirimder arasynda ǵana emes, eresekter arasynda da stress paıda bolady. Trenerler germandyq "stresstik optımızmdi basqarý" baǵdarlamasy boıynsha aqparat berdi. "Rýhanı jańǵyrý" jobalyq keńsesiniń jáne "Astana Daryny" daryndylyqty damytý jáne psıhologııalyq qoldaý ortalyǵynyń qoldaýymen elorda psıhologtary úshin 72 saǵattyq oqytý semınary ótkizildi. Jalpy, bul "Rýhanı jaǵyrý" aıasynda júzege asyrylyp jatqan halyqaralyq aýqymdy joba", dedi L.N.Gýmılev atyndaǵy Eýrazııa ulttyq ýnıversıteti pedagogıka ǵylymdarynyń doktory Aıkúmis Omarbekova.
Budan bylaı daıyndalǵan psıhologtar ár semınar-trenıngte alǵan bilimderin keńinen qoldana bastaıdy.