Elimizde engizilgen karantın rejımine baılanysty ekonomıkanyń zardap shekken sektorlaryn qoldaý maqsatynda «Bıznestiń jol kartasy - 2025» memlekettik baǵdarlamasy ózgerister engizildi. Bul týraly óńirlik kommýnıkasııa ortalyǵynda ótken brıfıngte Mańǵystaý oblystyq saýda jáne kásipkerlik basqarmasy basshysynyń mindetin atqarýshy Muqanbetjan Kóbegen málimdegen. Onyń aıtýynsha, memlekettik baǵdarlamaǵa ózgerister engizilip, paıyzdyq mólsheri 6 paıyzǵa tómendetildi
-Búgingi kúngi engizilgen ózgerister boıynsha nesıelerin joǵary paıyzben tólep otyrǵan shaǵyn jáne orta kásipkerlik ókilderi, memleketten bólinetin sýbsıdııany paıdalana otyryp, nesıe mólsherin tómendetýge 29 túrli salada jumys istep júrgen jandardyń múmkindigi bar. Olar avtosalondar, avtomobılderge tehnıkalyq qyzmet kórsetý ortalyqtary, meıramhanalar, tamaq ónimderin jetkizý qyzmeti, týrıstik agenttikter, mektepke deıingi bilim berý, orta bilim berý salasy, dárigerlik praktıka jáne stomatologııa salasyndaǵy qyzmet, fıtnes klýbtar, toqyma jáne hımııalyq tazalaý qyzmeti, shashtaraz jáne sulýlyq salondar men jyljymaıtyn múlikti jalǵa berý qyzmeti, dedi Mańǵystaý oblystyq saýda jáne kásipkerlik basqarmasy basshysynyń mindetin atqarýshy Muqanbetjan Kóbegen.
«Damý» kásipkerlikti damytý qorynyń Mańǵystaý oblysy boıynsha basshysy Gúljan Qalymbetovanyń aıtýynsha, kásipkerler qazan aıyna 30-na deıin ótinish jiber alady.
- Memleketten qoldaý alý úshin kásipkerler 30 qazanǵa deıin bankke ótinim berýi qajet. Bank olarǵa nesıe berý boıynsha qyzmet kórsetedi. Sodan soń «Damý» qory bankter bergen tizimder men saýalnama-ótinishter negizinde 5 jumys kúninen aspaıtyn merzimde sýbsıdııalaý múmkindigi týraly sheshim qabyldaıdy, Gúljan Qalymbetova.
Baǵdarlamaǵa qatysýdyń basty sharty — kásipkerde 2020 jyldyń 16 naýryzy kúnin esepke alǵandaǵy merzimde 180 kúnnen asqan nesıe bereshegi bolmaýy kerek.
Mańǵystaý oblysy