Azyq-túlik eksporty artyp otyr. Bul týraly saýda jáne ıntegrasııa mınıstri Baqyt Sultanov Ortalyq kommýnıkasııalar qyzmetinde ótken brıfıngte málimdedi. Ol saýda vedomstvosynyń Prezıdenttiń qyrkúıektegi Joldaýyn iske asyrýdaǵy róli týraly aıtyp, Saýda jáne ıntegrasııa mınıstrliginiń mindetterin, vedomstvo búginde qalaı jáne nemen jumys istep jatqanyn jáne onyń jalpy ekonomıkaǵa qalaı áser etetinin túsindirdi.
"Memleket basshysy Qazaqstan halqyna Joldaýynda Saýda jáne ıntegrasııa mınıstrliginiń aldyna birqatar mańyzdy mindetter qoıdy, olardy iske asyrý elimizdiń ekonomıkasyn turaqty damytýǵa ákeledi. Birinshi kezekte, áńgime shıkizattyq emes eksportty ulǵaıtý týraly", - dep túsindirdi B. Sultanov.
Onyń jartysyna jýyǵy (42%) qazir joǵary jáne ortasha qaıta óńdeý satysyndaǵy óniminen turady. О́ńdelgen eksporttyń negizgi taýarlary - mys jáne mystan jasalǵan katodtar, ferroqorytpalary, ýran, munaı óńdeý ónimi jáne basqalar. Mınıstrdiń aıtýynsha, álemde pandemııa saldarynan qalyptasqan saýda-ekonomıkalyq ózgerister bir jaǵynan táýekelderdi týyndatsa, basqa jaǵynan otandyq kásiporyndardyń eń joǵary qosylǵan quny bar ónimdi óndirýge kóshýine "múmkindik terezesin" ashady.
Vedomstvonyń málimetinshe, 8 aıdyń qorytyndysy boıynsha óńdelgen taýarlarldyń eksporty 7,3%-ǵa 10,4-ten 9,7 mlrd AQSh dollaryna deıin azaıdy. Eksporttyń negizgi tómendeýi munaı ónimderiniń (-332,6 mln $), ferroqorytpalarynyń (-249,7 mln. $), myryshtyń (-121,2 mln $) jetkiziliminiń qysqarýy jáne baǵalardyń tómendeýi esebinen boldy. Sonymen qatar, tamaq ónerkásibin jetkizýdiń ósýi baıqalady. О́sýdiń negizgi draıverleri: un, kúnbaǵys maıy, makaron, sıyr eti, soıa maıy. Mashına jasaý ónimderiniń eksporty da artty. Mysaly, jyljymaly quram bólikterin jetkizý 3,2 esege, jeńil avtokólikterdi jetkizý 3 esege artty.