Boıaýy qanyq, qospasyz kórinister

Bul azamat buǵan deıin temir­den túıin túıip, altyndy aptap, kúmisti qaptap kise-beldik, áshekeıi ádemi syrǵa-júzik, bolatty balqytyp qanjar-pyshaq jasaıtyn ónerimen áıgili-tin.

Endi mine, onyń bárin jınap qoıyp kórkem kartına jazýdy bastapty. О́ziniń aıtýyna qaraǵanda, HIH ǵasyrdyń so­ńynda Fransııa topyraǵynda paıda bolyp, keıin kúlli álemge tarap, keskindeme óneriniń bir jeke salasyna aınalǵan realıst ımpressıonızm baǵytyndaǵy sýretshi eken. Oqyǵan mamandyǵy da dál osy.

Bul jigit 1979 jyly dú­nıege kelgen. Qazir qyryqtyń qyr­qasyna ilinip, qaı jaǵynan da tolysqan shaǵy. 1997 jyly orta mek­tepti bitirgen ol el astanasy Ulanbatyr qalasyna baryp, pe­dagogıkalyq ýnıversıtettiń kórkem sýret fakýltetinde bilim alǵan.

 – Sýret sala bastaǵanyma úsh jyldyń júzi boldy, – deı­di talantty azamat: «Buǵan deıin de týǵan jer tabıǵaty men kóshpendilik ómirdiń saf mádenıetin saqtaǵan turmysyn, ásirese qusbegiliktiń bolmysy bu­zylmaǵan tunyq kórinisin beıneleý armanym edi. Qazir osy armanymdy ushtaý ústindemin», deıdi Rızabek inimiz.

Qylqalam sheberi tynymsyz eńbektenýdiń arqasynda soń­ǵy úsh jyldyń ishinde 30-ǵa tarta kartına salyp shy­ǵypty. Sýretteriniń boıaýy qa­­nyq, esh­qandaı qos­pasyz kósh­­­pendi ómir­diń etno­gra­fııa­lyq beınesin som­daǵan. Iаǵnı hal­qy­myzdyń ejel­gi qun­dylyǵyn kes­kindeme ar­qyly tanytýǵa talpynǵan. Basty erek­sheligi de osy.

Sýretshiniń qolynan shyqqan jumystary qazir halyqaralyq deńgeıde óz baǵasyn alyp júr. Aıtar bolsaq, 2017 jyly Baı-ólkede uıymdastyrylǵan AQSh, Reseı, Mońǵolııa sýretshileriniń birikken kórmesinen «Etnotanym ereksheligi úshin» atty no­mı­­­nasııanyń úzdigi atansa, 2018 jyly Taýly Altaı qa­la­­synda ótken sýretshilerdiń ha­lyq­ara­lyq kórmesinen de júl­de alypty. Munyń syrtyn­da ót­ken jyly Ońtústik Koreıa­nyń Pý­san qalasynda uıym­das­ty­rylǵan dostastyq elde­riniń qylqalam sheberleri bas qos­qan iri sharaǵa qatysqan eken. Jý­yqta ǵana Koreıada uıymdastyrylǵan «Atomic pease» kórmesine onlaın qatysyp, sertıfıkatqa ıe bo­lypty.