Qazaqstannyń toǵyz óńirinde 39 jańa sý qoımasyn salý josparlanǵan. Bul týraly Ekologııa, geologııa jáne tabıǵı resýrstar mınıstri Maǵzum Myrzaǵalıev "Qazaqstannyń sý qaýipsizdigi: qazirgi zamanǵy syn-qaterler men olardy sheshý perspektıvalary" taqyrybyndaǵy Senattaǵy úkimettik saǵatta málim etti, dep habarlaıdy Egemen.kz
"9 óńirde jalpy kólemi jylyna 3,6 mlrd. m3 bolatyn 39 jańa sý qoımasyn salý josparlanǵan. Olardy júzege asyrý úshin 115 mlrd.teńge qajet", dedi M.Myrzaǵalıev Úkimet saǵatynda.
31 sý qoımasy iske asyrylý satysynda, onyń ishinde: 1-eýinde qurylys júrgizilýde (Keńsaı-Qosqorǵan), 28-i boıynsha TEN ázirlenýde, 3-ýinde JSQ ázirlenýde (Qaraózek, Kúmisketken, Býzýlýk).
Sý qoımalaryn salý 70 eldi meken úshin sý tasqyny qubylystarynyń qaýpin azaıtýǵa; jańa sýarmaly jerlerdi – 394 myń ga aınalymǵa engizýge; aýyl sharýashylyǵynda 129 myńnan astam jumys ornyn qurýǵa; transshekaralyq ózenderdiń sý kólemine táýeldilikten arylýǵa múmkindik beredi: 30%-ǵa deıin – Qyrǵyzstannan, 25%-ǵa deıin – О́zbekstannan jáne 15%-ǵa deıin Reseıden.