Qazaqstan Qyrǵyzstanǵa koronavırýspen kúresý úshin medısınalyq buıymdar jiberedi, dep habarlaıdy Egemen.kz Premer-Mınıstrdiń baspasóz qyzmetine silteme jasap.
"Qazaqstan Respýblıkasynyń Prezıdenti Qasym-Jomart Toqaevtyń tapsyrmasy boıynsha QR Úkimeti koronavırýs ınfeksııacymen kúres aıasynda Qyrǵyz Respýblıkasyna gýmanıtarlyq kómek kórsetedi. Qyrǵyzstanǵa ókpeni jasandy jeldetý (О́JJ) mobıldi apparattarynyń 400 jıyntyǵy jáne Qazaqstan kásiporyndarynda óndirilgen 2 mıllıon medısınalyq maska jetkiziledi", delingen habarlamada.
Sheshim qyrǵyz tarapynyń halyqty medısınalyq buıymdarmen qamtamasyz etý maqsatynda resmı túrde júginýine baılanysty qabyldanǵany aıtylady.