Abaı Qunanbaıulynyń 175 jyldyǵyn atap ótý sheńberinde San-Fransısko qalasynyń Bas qoǵamdyq kitaphanasynda Qazaqstan ádebıet men mádenıetine arnalǵan bólim ashyldy, dep habarlaıdy Egemen.kz.
Otanymyz týraly materıaldar endi AQSh-tyń batys jaǵalaýyndaǵy jylyna 1 mıllıonnan astam oqyrmanǵa qyzmet kórsetetip júrgen basty kitaphanalarynyń birinde keńirek kólemde usynylatyn bolady. 1878 jyly negizi qalanǵan bul kitaphananyń qory búgingi tańda 4 mıllıonnan astam basylymdy quraıdy.
Kitaphanaǵa tarıhı jáne ǵylymı-tanymdyq ádebıetpen qazaq aqyndary, jazýshylar men zertteýshileriniń shyǵarmalaryn, atap aıtqanda Shoqan Ýálıhanov, Jambyl Jabaev, Shákárim Qudaıberdiuly, Muhtar Áýezov, Sábıt Muqanov, Oljas Súleımenov jáne taǵy basqalardyń, týyndylaryn qamtıtyn qazaq, orys jáne aǵylshyn tilderinde jaryq kórgen shashamen 400-ge jýyq kitap tabys etti. Bastama avtorlaryń pikirinshe, kitaphanada osyndaı bólimniń ashylýy jáne Abaı Qunanbaıuly shyǵarmalarynyń keńirek taratylýy Amerıka oqyrmandarynyń qazaq halqynyń baı mádenıetine shynaıy qyzyǵýshylyǵynyń ósýine septigin tıgize alady.
Atalmysh joba «Otandastar» qorynyń jáne Stenford ýnıversıtetiniń professory Alma Qunanbaıevanyń kómegimen, sondaı-aq «Medısınalyq-ınnovasııalyq tehnologııalar» atty otandyq kompanııanyń Baıqaýshy keńesiniń tóraǵasy Mıhaıl Gýtermannyń qarjylaı demeýimen Qazaqstannyń San-Fransıskodaǵy Bas konsýldyǵy tarapynan uıymdastyryldy.
Amerıkan tarapynan ashylý rásimine kitaphana dırektory Tomas Fortın men San-Fransısko qalasy márııasynyń ókilderi qatysty.