Almaty qalasynyń ákimi Baqytjan Saǵyntaev Ortalyq kommýnıkasııalar qyzmetinde ótken brıfıngte megapolıste qalyptasyp jatqan sanıtarlyq-epıdemııalyq jaǵdaı týraly málimdedi, dep habarlaıdy Egemen.kz
Baqytjan Saǵyntaevtyń aıtýynsha, qalada koronavırýs indetin juqtyrǵan 16 534 jaǵdaı tirkelgen (100 myń turǵynǵa shaqqanda 828,13), 10 004-i sımptomdy bolsa, al 6530-y sımptomsyz. 06.12.2020 KVI juqtyrǵan 67 jaǵdaı tirkeldi. Sondaı-aq onyń ishinde 53 jaǵdaı sımptomdy, 14 jaǵdaı sımptomsyz. Pnevmonııamen aýyrǵan 6 jaǵdaı tirkeldi. Búginde bul san 1199-ǵa jetip, jaǵdaı ýshyǵyp bara jatyr.
"Almaty qalasy 2 jeltoqsannan bastap jasyl aımaqqa endi. Jaǵdaı qarasha aıynda koronavırýstyq ınfeksııanyń taralýyna yqpal etetin faktorlardy beıtaraptandyrý, qoldanystaǵy karantındik sharalardy saqtaý jáne olardyń saqtalýyna baqylaýdy kúsheıtý arqyly turaqtandyrýǵa múmkindik boldy", dep atap ótti Almaty ákimi B. Saǵyntaev.
Almaty qalasynda KVI aýrýynyń ósýi qazan aıynda bastaldy. Eger qyrkúıek aıynda juqtyrýshylar sany 165 jaǵdaıdy kórsetse, qazan aıynda qaýipti indetke shaldyqqandar sany 366-ǵa jetti. Aǵymdaǵy jyldyń qarasha aıynda 1399 jaǵdaı tirkeldi, qazan aıymen salystyrǵanda aýrý juqtyrýdyń 3,8 ese ósýi baıqalady.
Táýliktik ósim – 0,4%, reprodýktıvti sany – 0,98.
Qarasha aıynyń qorytyndysy boıynsha KVI-diń árbir jaǵdaıyn epıdemııalyq tekserý:
Halyqtyń KVI-ge neǵurlym beıim kontıngentteri – 20-dan 60 jasqa deıingi azamattar, olar qarasha aıynda naýqastardyń 60%-dan astamyn qurady:
- 14 jasqa deıin – 9% (126 jaǵdaı);
- 15–19 jas – 4% (54);
- 20–39 jas – 32% (451);
- 40–59 jas – 29% (408);
- 60 jastan joǵary – 26% (360).
KVI juqtyrýdyń negizgi ortasy: aýrý juqtyrýshynyń otbasy múshelerimen baılanysy – 35% (491 jaǵdaı); naýqaspen jumys nemese oqý orny boıynsha baılanys – 3% (37 jaǵdaı); shet elderden jáne QR óńirlerinen ákelý – 6% (78 jaǵdaı).
Infeksııany juqtyrýdyń yqtımal oryndary: dúken, dárihana, SOO-ǵa, qoǵamdyq tamaqtaný oryndaryna barý – 22% (306 jaǵdaı); bazarǵa barý – 12% (167 jaǵdaı); medısınalyq uıymdarǵa barý – 6% (80 jaǵdaı); qoǵamdyq kólikti paıdalaný – 16% (228 jaǵdaı); otbasylyq is-sharalarǵa qatysý 1% (12 jaǵdaı).
Halyqtyń KVI juqtyrý oryndarynyń egjeı-tegjeıli qurylymynda syrqattanǵan adamdardyń qoǵamdyq oryndarǵa kelýiniń úles salmaǵy basym – saýda úıleri, dúkender, bazarlar – 34%; úı oshaqtaryndaǵy otbasy múshelerimen baılanys – 35%, qaladaǵy qoǵamdyq kólik – 16%, medısınalyq uıymdarda baılanys – 6%, sondaı-aq shet elderden jáne QR óńirlerinen ákelý – 6%, jumyspen qamtý orny – jumysy, oqýy) boıynsha – 3%.