Oblys ortalyǵyndaǵy kópqabatty úılerdegi kógildir otyn taratý qurylǵylary sońǵy jıyrma jyldan beri múlde istemeıdi. Qala turǵyndary amalsyz gaz ballondaryn paıdalanýǵa májbúr bolyp otyr, dep habarlaıdy Egemen.kz.
"Gaz jáne gazben jabdyqtaý týraly" talapqa sáıkes ekinshi qabattan bıikte gaz ballondaryn paıdalanýǵa bolmaıdy. Biraq, amaldyń joqtyǵynan turǵyndar talapty buzýǵa májbúr. Gaz qurylǵylarynyń qaýipsizdigine jaýap beretin quzyrly mekeme – energetıka basqarmasyndaǵylar mundaı turǵyn úılerdiń sanyn tap basyp aıta almaıdy. Sebebi onyń esebin júrgizip otyrǵan eshkim joq.
Qazir 240 gaz taratý qondyrǵysynyń 99-y jumys istemeıdi. Mine osynyń barlyǵynda gaz ballondaryn paıdalanyp otyrǵandary anyq.
"Bir kezde ıesiz qalǵan qubyrlar bolatyn. Biz qalpyna keltirip, qujattaryn daıyndap, ádilet organdarynda tirkep, memlekettik satyp alý rásimin daıyndaýdamyz", – deıdi Kókshetaý qalasy ákiminiń orynbasary Erbol Tóleýov.
Jergilikti bılik qamdanǵanymen, tenderdiń birinshi kezeńine birde bir úmitker qatyspaǵan. Taıaýda memlekettik satyp alý rásimi qaıtadan ótkizilmek. Onyń ózinde de merdiger anyqtalsa ǵana qaraýsyz qalǵan gaz qubyrlary jóndelmek. Oǵan sheıin qanshama qala turǵyny qaýipti jaǵdaıda kún keshedi.