Búgin Halyqaralyq Túrki akademııasy óziniń 10 jyldyq mereıli belesine oraı jáne jyldy qorytyndylaýǵa baılanysty elimizdegi belgili BAQ ókilderimen kezdesý jıynyn ótkizdi, dep habarlaıdy Egemen.kz Akademııanyń baspasóz qyzmetine silteme jasap.
Alqaly jıynǵa Halyqaralyq Túrki akademııasynyń prezıdenti Darhan Qydyráli, «Qazınform» halyqaralyq aqparat agentiginniń basqarma tóraǵasy Asqar Omarov, «Habar agenttigi» AQ Basqarma tóraǵasy birinshi orynbasary Rınat Kertaev, «TRT» telearnasynyń Qazaqstan ókildiginiń dırektory Mehmed Chalyshkan, «Qazaqstan» ulttyq arnasynyń aqparattyq-saraptamalyq baǵdarmalar dıreksııasy dırektory Jalǵas Sádibekuly, «Túrkistan» gazetiniń bas redaktory Qýat Áýesbaı, Qoldanbaly etnosaıası zertteýler ınstıtýty dırektory Talǵat Qalıev, «Qazaqstan tarıhy» portalynyń dırektory Arman Súleımenov, sonymen qatar túrki álemine tanymal birqatar BAQ ókilderi men belgili jýrnalıster qatysty.
Keleli keńes túrinde ótken basqosýda uıym basshysy Darhan Qydyráli Túrki akademııasynyń bıyl atqarylǵan jumystary men basylǵan ǵylymı eńbekterdi tanystyryp, Akademııanyń 10 jylda qol jetkizgen jetistikteri týraly baıandady.
Sonymen qatar, Túrki akademııasynyń jumystarymen keńirek tanysqan qatysýshylar uıymnyń aldaǵy josparlary týraly pikir almasyp, kókeıindegi suraqtaryna jaýap aldy.
Shara sońynda biraqatar BAQ ókilderi Túrki dúnıesiniń jetistikterin nasıhattaýǵa jáne aqparat salasyndaǵy yntymaqtastyq nyǵaıtýǵa qosqan úlesi úshin Qurmet gramotasy jáne Alǵys hatpen marapattaldy.