Bashqurtstanda qarttar úıi órtenip, 11 adam qaza tapty, dep habarlaıdy Egemen.kz. Bul týraly Bashınform agenttigi málimet taratty.
Eldiń Abzelılov aýdanynda alapat órt oryn alǵan. Ishbýldıno aýylynyń Qyzyl kóshesinde mansardasy bar bir qabatty ǵımarat janyp ketken. Ǵımaratta qarttar úıi ornalasqan. О́rt sóndirýshiler jalyndy eki saǵat ishinde sóndirdi. Tórt adam syrtqa ózi shyǵyp úlgergen. Jalynda sóndirgennen keıin ǵımarattan 11 adamnyń denesi tabyldy. Olar qarttar men múgedekter bolýy múmkin.
«Qaza bolǵandar týraly aqparat naqtylanýda. О́rt ornyna Bashqurstan Respýblıkasy boıynsha Reseı TJM Bas basqarmasynyń bastyǵy Marat Latypov bardy. О́rtti sóndirýge 16 adam men 6 tehnıka jumyldyryldy», dep habarlady respýblıkanyń TJM baspasóz qyzmeti. Tergeýshiler jumysqa kirisip ketti. Qaza tapqandar men zardap shekkenderdiń týystaryna psıhologııalyq kómek kórsetilip jatyr. Ashyq aqparat kózderinen belgili bolǵandaı, qarttar úıi 2019 jyldyń 27 naýryzynda tirkelgen.
«Saǵat 2:54-te kezekshi pýltine 1960 jyldary salynǵan, ishinde 16 adam turǵan ǵımaratta órt shyqqany týraly qońyraý tústi. Saǵat 3:17-de oqıǵa ornyna Halılov BK erikti órt sóndirý toby keldi. Bes adam órtten alyp shyǵaryldy. Dabyl júıesi qosylǵanymen, 11 adamdy qutqarý múmkin bolmady. Men oqıǵa ornyndamyn. Aýdanda TJ rejımi engizildi», dep málimdedi Abzelılov aýdany basshysy Ildar Nafıkov.