Aqtóbede eki qabatty úıden órt shyǵyp, 36 jastaǵy er adam mert boldy, dep habarlaıdy Egemen.kz
Búgin saǵat 15:48-de Aqtóbe qalasy Narımanov kóshesindegi úı órtendi. Habarlama túsken boıda qalalyq órt sóndirý bóliminiń jeke quramynan 21 adam, 4 tehnıka attandyryldy.
«О́rt sóndirýshilerdiń jáne qutqarýshylardyń kómegimen aman qalǵan 48 jastaǵy áıel jáne 61 jastaǵy er adam medısına qyzmetkerleriniń kómegine júgindi. Boljam boıynsha olar gazdan ýlanǵan. Ekeýi de oblystyq jedel járdem aýrýhanasyna jetkizildi. Sondaı-aq órtengen úı ishinen 1984 jylǵy er adamnyń múrdesi tabyldy. О́rt saǵat 17.45-te sóndirildi. О́rttiń shyǵý sebebi anyqtalyp jatyr. Aqtóbe oblysynyń TJD órt qaýipsizdigi erejelerin qatań saqtaý qajettigin eskertedi. О́rt shyqqan jaǵdaıda dereý 101, 112 telefondaryna qońyraý shalyńyz», - dep habarlady oblystyq TJD baspasóz qyzmetinen.